Kwibuka29: Hibutswe abaguye muri Seminari nto ya Mutagatifu Vincent i Ndera

Kwibuka29: Hibutswe abaguye muri Seminari nto ya Mutagatifu Vincent i Ndera

????

Abarokotse Jenoside kuri Seminari nto yitiriwe Mutagatifu Vincent mu Karare ka Gasabo umurenge wa Ndera, kuri uyu wa 20 Gicurasi 2023 bibutse ku nshuro ya 29 abari abanyeshuri, abakozi, abihayimana ndetse n'abari bahahungiye bazize Jenoside yakorewe Abatutsi muri Mata 1994. Ni umuhango witabiriwe na Minisitiri w'Umuryango Prof Bayisenge Jeannette wari umushyitsi mukuru muri uyu muhango ndetse n'abarerewe muri iyi Semineri ya Mutagatifu Vincent. Uyu muhango watangijwe n'igitambo cya Misa cyo gusabira abazize Jenoside yakorewe Abatutsi by'umwihariko abaguye muri Seminari Nto ya Mutagatifu Vincent. Umutoni Jean Luc warokokeye muri iki kigo ubwo yarafite imyaka 16 y'amavuko yagarutse ku nzira y'umusaraba yanyuzemo bikamuviramo kuhaburira abavandimwe be ndetse n'umubyeyi. Ntagara Innocent Komiseri muri Ibuka yagarutse ku nshingano zo kwibuka ndetse n'agaciro ku buhamya mu gihe nk'iki asaba abakiri bato barererwa muri iri shuri kwanga uwo ari we wese wababibamo urwango. Yagize ati 'Impamvu zo kwibuka ni ukubwira abayikoze ko nta cyiza basaruye, ni ukubwira abayirokotse kandi ngo mukomere.' Mu butumwa bwe Minisitiri w'Umuryango yagarutse kuruhare rwa ababyeyi mu gutoza abakiri bato indangagaciro nzima. Yagize ati 'Abakoze Jenoside nta rukundo bigishwaga, biragoye kwiyumvisha uko gukunda igihugu babyumvaga, ntabwo wakunda igihugu ngo ucyambure amaboko.' Yasabye abarezi kandi gutekereza ku burere baha ababyiruka, baharanira kuraga abana igihugu kizira Jenoside. Camera & Editing: Eric RUZINDANA

Advertisement

LEAVE YOUR COMMENT

YOUTUBE COMMENTS

@Igirimbabazi-Dorcas Says:
Sabin ndabakunda cyane ❤️❤️

More Imbuga Nkoranyambaga Videos