Bahamijwe ibyaha byo gukora iterabwoba aho kuba ibyitso || Rusesabagina, Sankara na Nizeyimana Marc

#FLNTerrorTrial Urukiko rw'Ubujurire rwahamije Paul Rusesabagina, Nsabimana Callixte (Sankara) na Nizeyimana Marc, ibyaha byo gukora iterabwoba aho kuba ibyitso mu bikorwa by'Iterabwoba nk'uko byari byemejwe n'Urukiko Rukuru mu mwaka ushize. Mu isomwa ry'urubanza, Urukiko rw'Ubujurire rwasanze Urukiko Rukuru rwaribeshye mu kwemeza ko Nsabimana, Rusesabagina na Nizeyimana Marc, bagize uruhare mu byaha byakozwe n'abagize Umutwe wa MRCD-FLN. Urukiko rw'Ubujurire ruvuga ko hashingiwe ku ngingo ya 19 y'Itegeko ryo muri 2018 ryerekekeye kurwanya iterwabwoba, rikaba ribahamya gukora iterabwoba aho kugira uruhare (kuba ibyitso) mu iterabwoba, kuko ngo ari bo bari abakuru b'umutwe w'Iterabwoba wa MRCD-FLN.