Rusesabagina yarahamagajwe ntiyitaba || Byateje impaka mu rukiko rw'ubujurire

#FLNTerrorTrial Tariki 20 Nzeri 2021, ni bwo urugereko rwihariye rw'Urukiko rukuru ruburanisha Ibyaha Mpuzamahanga n'Ibyambukiranya Imipaka, rwasomye umwanzuro warwo ku rubanza Paul Rusesabagina wayoboraga MRCD/FLN na bagenzi be 20 baregwagamo. Paul Rusesabagina na bagenzi be 20 bahamijwe ibyaha bifitanye isano n'ibikorwa by'iterabwoba byagabwe ku butaka bw'u Rwanda, hagati ya 2018 na 2019 bigahitana abantu icyenda. Nyuma y'ibihano n'umwanzuro w'urukiko, Ubushinjacyaha, abaregera indishyi na bamwe mu baregwa muri iyi dosiye bahise bajurira bagaragaza ko batanyuzwe n'imikirize y'urubanza. Tariki 17 Mutarama 2022, ni bwo Urukiko rw'Ubujurire rwatangiye kuburanisha urubanza rw'ubujurire ruregwamo Paul Rusesabagina, Nsabimana Callixte 'Sankara' na bagenzi babo 19. Paul Rusesabagina wikuye mu rubanza taliki ya 12 Werurwe 2021, ntiyigeze yitabira iburanisha. Byateje impaka hagati y'ubushinjacyaha n'abunganira abaregwa! Camera & Editing: Richard Kwizera Script & Narration: Richard Kwizera